ތައާރަފް

ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން އުފެދިފައިވާ ކޮޅުމަޑުލު ދިޔަމިގިލީ ކައުންސިލަކީ އަމިއްލަ ހައިސިއްޔަތު ލިބިގެން ޝަރުޢީ ކޯޓުތަކުގައި ދަޢުވާކުރުމާއި ދަޢުވާ ލިބިގަތުމުގެ ޤާނޫނީ ބާރު ލިބިފައިވާ މިނިވަން މުއައްސަސާއެކެވެ.

މި ކައުންސިލްގެ އަމާޒަކީ ދިޔަމިގިލީ ރައްޔިތުންގެ އިޖްތިމާޢީ، އިޤްތިޞާދީ އަދި ޘަޤާފީ ހަޔާތް ކުރިއަރުވައި، ރައްޔިތުންނަށް ބޭނުންވާ އަސާސީ ޚިދުމަތްތައް ފޯރުކޮށްދިނުމެވެ.

ކައުންސިލްގެ އެންމެ އިސް ޒިންމާގެ ތެރޭގައި ރަށްވެހިކަމުގެ ޚިދުމަތްތައް ފޯރުކޮށްދިނުމާއި، ރަށުގެ ތަރައްޤީގެ މަޝްރޫޢުތައް ރާވައި ހިންގުން ހިމެނެއެވެ. އަދި މި ޚިދުމަތްތައް ހަރުދަނާކަމާއެކު ފޯރުކޮށްދިނުމަށްޓަކައި ބޭނުންވާ ޤަވާޢިދުތަކާއި އުޞޫލުތައް އެކުލަވާލައި ތަންފީޒުކުރުމަކީވެސް ކައުންސިލްގެ މައިގަނޑު މަސްއޫލިއްޔަތުތަކުގެ ތެރޭގައި ހިމެނޭ ކަމެކެވެ.